سحب رمشه ورد الباب: محمد قنديل - ألحان عبد العظيم عبد الحق
كلمات عبد الفتاح مصطفى
سحب رمشه ورد الباب
كحيل الأهداب
نسيت اعمل لقلبى حجاب
..وقلبى داب
رموشه تميل على خــده
جنــاح رفرف على ورده
ولو طلب القـــــــمر وده
أمل كداب
نسيم العصر ع القُصـة
بيحكى للهوا قِـصــــــة
وبين البصة البـصـــــه
تدوب أحباب
كحيل والكحل من بابل
وإمتى عيونّا تتقـــــابل
ياريت نظره وانا قابل
ولو بعتاب
غزال أنفـاسه تتنــسم
عبيره والخطوة تتقسم
نغم وشفايفة تتبســـــم
ولا العناب
نسيت اعمل لقلبى حجاب
يابو العيون السود:محمد عبدالمطلب - الحان محمود الشريف - كلمات محمد البنهاوي
يابو العيون السود ... ياللى جمالك زين
ميتا الوداد يعود ... وتنول مناها العين
يابوى يابوى يابوى
حبيت وجولت ياريت ... الحب يصفى لى
وياريت ماكنت هويت ... ولا كان على بالى
ليه ياجميل شطيت ... شمّت عذالى
يابوى يابوى يابوى
جلبى عشج جلبك ... ولا لوش حبيب تانى
وياريت يلين جلبك ... وتعود لى من تانـــى
وتشوف عنيا بهاك. .. واتهنى من تانــى
يابوى يابوى يابوى
العين ضناها النوح ... من السهد وأنينى
والقلب بات مجروح ... كان ليه تجافينى
ياللى معاك الروح ... بالقرب هنينى
النيل نجاشي:محمد عبد الوهاب- الحان محمد عبدالوهاب- كلمات أحمد شوقي
النيــــل نجاشى حليـوة أسمـر .. عجب للونه دهب ومرمر
أرغوله فى إيده يسبح لسيده ... حياة بلادنــا يارب زيــده
قالت غرامى فى فلوكة ... وساعة نزهة ع الميه
لمحت ع البعد حمامة ... رايحه على الميه وجايه
ووقفت أنادى الفلايكى ... تعالى من فضلك خدنا
رد الفلايكى بصوت ملايكى قال مرحبابكم مرحبتين
دى ستنا وإنت سيدنا
جـت الفلوكــة والمــلاح... و نزلنـا وركبـنا
حمامه بيضا بفرد جناح... تودينــا وتجيبنا
ودارت الألحان والراح ... وسمعنا وشربنا
هيلا هوب هيلا .. وصلح لى قلوعك ياريس[/center]
كل ده كان ليه:محمد عبد الوهاب - ألحان محمد عبدالوهاب - كلمات مأمون الشناوي
كل دا كان ليه ... لما شفت عينيه
حن قلبى الـــيه .... وانشغلت عليه
كل ده كان ليه
قاللى كام كلمه يشبهو النسمه... فى ليالى الصيـف
فاتنى وف قلبى .شوق بيلعب بى وف خيالى طيف
غاب عنى بقالـه يومــين ... ماعرفش وحشنى ليـه
احتـرت اشوفـه فـــــــين ... وان شفتـه اقولـه ايـــه
كل ده كان ليه
اللى حيرنى واللى غيرنى ... واللى فاتنى فى حال
نام و سهرنى و لا فاكرنى ...والا مـوش عالبــــال
صبحنـى فى هـم وويــــل ... من طول ما بفكر فيه
نسانى انــام الليـــــــــــــل ... خلانى ابـات اناجيـه
كل ده كان ليه
يا ساعة بالوقت إجري:نور الهدى - ألحان فريد الأطرش - كلمات محمد علي أحمد
يا ساعه بالوقت اجرى
خلى الحبيب ييجى بدرى
ياساعه بالوقت اجرى
فضلت استنى قربه
واخلص اليه فى الغياب
ولما اشوف نفسى جنبه
انسى ليال العذاب
ياساعة
يا ساعه اطوى الزمان
خلينى ابلغ نصيبى
يا ساعه ان الاوان
ما تفرحينى بحبيبى
ياساعه
جه بالسلامه ووافانى
والقلب فرحان ورايق
وتمر بيا الثوانى
اعمل حساب الدقايق
ياساعه
أم كلثوم:أغار من نسمة الجنوب - ألحان رياض السنباطي - كلمات أحمد رامي
أغار من نسمــــة الجنــوب علي محيــــاك يا حبيبـــــي
وأحسد الشمس في ضحاها واحسدو شمس في الغروب
وأغبط الطــير حيـن يشـدو على ذري فرعـــه الرطيــب
فقــد تري فيهمـــا جمـــــالا يروق عينـــيك ياحبيبـــــي
يا ليتنــــي منظـــــر بديع تطيــل لي نظـــرة الرقيـب
وليتنـــي طائـــر شجـــي أشدوابأنغـــام عندليـــــــب
أظـــل أسقيـك من غنائي سلافــة الــروح والقـــلوب
وذاك أني أراك ترنـــــــو لبهجة الشمس في الغروب
وتعشق الطير حين يشدو على درى غصنها الرطيـب
وأنني مــن هيـــام قلــبي وشــــدة الوجـــد واللهيــب
أغار من نسمــة الجنـوب على محيـــــاك يا حبيــــبي
وأحسـد الزهر حين يهفـو على شفـــا جدول لعـــــوب
وأحسد النهـر حين يجري على بساط الجنى الخصيب
فقـد تـرى فيهمــا جمـــالا يروق عينيــك ... يا حبيبـي
يا ليتــني زهـــرة تساقــت مع النـــدى قبلــة الحبيــــب
يا ليتــني جـــدول تهــاوي ما بيـن زهــــر وبين طيــب
أغدا ألقاك : أم كلثوم - ألحان محمد عبد الوهاب - نظم : الشاعر السودانى الهادى آدم
أغداً ألقاك..... يا خوف فؤادي من غدٍ
يالشوقي وإحتراقي... في إنتظار الموعد
آه كم أخشى غدي هذا... وأرجوه إقترابا
كنت أستدنيه لكن........ هبته لما أهابا
وأهلت فرحة القرب به.. حين استجابا
هكذا أحتمل العمر........... نعيماً وعذابا
مهجة حرة وقلبـاً مسه الشوق . .. فذابا
أغداً ألقاك
أنت يا جنة حبي واشتياقي.... وجنوني
أنت يا قبلة روحي وانطلاقي.. وشجوني
أغداً تشرق أضواؤك.... في ليل عيوني
آه من فرحة أحلامي ومن خوف ظنوني
كم أناديك وفي لحني ....... حنين ودعاء
آه رجائي أنا كم عذبني .....طول الرجاء
أنا لو لا أنت لم أحفل..... بمن راح وجاء
أنا أحيا لغد آن .......... بأحــلام اللقـــاء
فأت أو لا تأتي أو فإفعل بقلبي ما تشاء
أغداً ألقاك
هذه الدنيا كتاب ..............أنت فيه الفكر
هذه الدنيا ليال ..............أنت فيها العمر
هذه الدنيا عيون........... أنت فيها البصر
هذه الدنيا سماء ............أنت فيها القمر
فإرحم القلب............... الذي يصبو إليك
فغداً تملكه.......................... بين يديك
وغداً تأتلف الجنة............. أنهاراً وظلاّ
وغداً ننسى فلا نأسى.... على ماضٍ تولّى
وغداً نزهو فلا نعرف......... للغيب محلا
وغداً للحاضر الزاهر نحيا........ ليس إلا
قد يكون الغيب حلواً .. إنما الحاضر أحلى
أغداً ألقاك
الدنيا فيها المنى : عبد العزيز محمود - ألحان عبد العزيز محمود - كلمات محمد علي أحمد
الدنيا فيها المنى ....... فيها الفرح والضنى
فيها المقــدر لــنا ..... الدنيـا انت....... وانا
الدنيا كاس شربوه الناس.... وخمرته ايام وسنين
وعمرنا فى الكون انفاس وقلب هانى وقلب حزين
فى يوم بتضحك لنا وايام تبكينا
الفرح فى قلبنا والدمع فى عينينا
الدنيا فيها المنى
دنياكى اغلى م الدنيا واغلى مالى يكون فيها
باتمنى اديكى عنيا عشان تشوفى الكون بيها
الورد فيها جميل والشوك على عوده
وكل قلــب يميـل بيقاسى موعـــــوده
الدنيا فيها المنى
ياريت صورتها فى خيالك تفضل معاك على الايام
لا تشغل الافكار بالك وتروح مع الفجر الاحلام
الدنيــا يادنيتى غنـــوه باغنيـــها
ودمعه فى وحدتى ابكى واداريها
الدنيا فيها المنى
ست الحبايب : فايزة أحمد - ألحان محمد عبد الوهاب - كلمات حسين السيد
ست الحبايب ياحبيبة .. ياأغلى من روحى ودمى
ياحنينة وكلك طيبـــة ... يــارب يخليكى ياأمـــــى
زمان سهرتى وتعبتى .. وشيلتى من عمرى ليالى
ولسه برضه دلوقــتى .. بتحمل الهـــــم بدالــــــى
أنام وتسهــرى....... وتباتى تفكرى
وتصحى من الأدان وتيجى تشأرى
يارب يخليك ياأمى
تعيشى ليا ياحبيبتى ياأمى .. .......ويدوم لى رضاكى
ده أنا روحى من روحك إنتى وعايشة من سر دعاكى
بتحسى بفرحتى قبل الهنـــا بسنــــــة
وتحسى بشكوتى من قبل ماحس أنا
يارب يخليك ياأمى
لو عشت طول عمرى أوفى .. جمايلك الغالية عليا
أجيب منين عمر يكفى ..... وألاقى فين أغلى هدية
نور عينى ومهجتى وحياتى ودنيتى
لو ترضى تقبليهم دول هما هديتى
يارب يخليك يا أمى[/center]
ليلى مراد : الحب جميل - ألحان محمد عبد الوهاب - كلمات حسين السيد
الحب جميل للى عايش فيـه
له ألف دليل إسألونى عليه
بيفوت ع العين ويصحيها ... من عــز النـــوم
ويفوت ع الروح ويطير بيها ... الدنيا فى يوم
ولما القلب ييجى يفـــــرح
ساعة مالاقيه قاعد جنبى
أمالى الحــــلوة تتمرجـــح
فى دقـة قلبه.... مع قلبى
وإن فات حبيبى يوم أو غاب ... أنا والظنون دايماً فى عذاب
وإللى إنشغل بهوى الأحباب ... عذابه راحة وراحته عـــذاب
لا إللى صفا له حبيب ... باله هدى وإرتـــاح
ولا إللى فاته نصيب ... نامت فى قلبه جراح
لما يخاصمنى باأفرح وأصور ... فرحة لقاه لو يوم جانــى
وإن جه يصالحنى أبكى وأفكر ... من خوفى لايخاصم تانى
التحليل الخاص بهذه الأغاني تجدونه في قسم التحليلات الموسيقية
الخميس يونيو 05, 2008 11:12 pm
